Hikayat Uroe Raya

Allahu Akbar Allahu Akbar
Kon sekedar teukeubi biasa
Allahu Akbar Allahu Akbar
Wahai yang sadar nyoe uroe raya

      Laa ilaha ilallah sambong bagah
      Ngak deuh leumah tanyoe Iseulam
      Allahu Alkbar lom neutamah
      Akhe kalimah walillahilham

Teungku neu deungo lon kheun hikayah
Pat yang hana pah neu teugur beuna
Bek sampe laloe dan teuhah babah
Sayang teuh lupah male ngon Dek Na

      Caee ulon kheun beukon seujarah
      Kon kata hikmah kalam ambiya
      Tapi haluwa keu mameh kuwah
      Bak ramah tamah ureung KMA

Nakeuh uroe nyoe tanyoe meusapat
Di Shuq Sayyarat lage biasa
Kursi geu atoe ngon bareh teupat
Dengon akhawat  lam saboh tenda

      Yang duek dikeu kon keuh peujabat
      Ureung  ta hormat  umu ka tuha
      Bak bareh dua baro peujabat
      Ureung  yang mat keumeudo KMA

Na syit sidroe-droe geuduek di likot
Gob nyan geutakot keunong kamera
Teuma yang dikeu keu tukang sambot
Bandum me janggot badan pih raya

Halal bi halal nibak uroe nyoe
Perpisahan kamoe ngon bandum warga
Nyoe keuh teurakhir program di kamoe
Teuma oh lheuh nyoe gantoe keutua

Teungku Salman yang dong beunoe
Nyan keuh hai cut poe keutua gata
Ureung jih ganteng hana dua droe
Syit gob nyan sidro  dalam KMA

Geudueuk meusaneut kon bak sagoe
Ngon pemdampeng droe ketua Syura
Gob nyan jinoe mantong sidroe
Berharap binoe putroe KMA

KMA geupimpin sukses kon bagoe
Banbandum sagoe geu kunjong rata
Geu atoe pengurus  geu pileh meuntroe
Hana meusidroe yang beu-oe keurija

Tim jih kompak neu kalon keudroe
Ka dari beunoe siap sedia
Mulai teulat kon salah kamoe
Salah ureung droe yang trep neu tuka

Di Teungku Ivan bak ujong nanggroe
Ngon aneuk lhee droe bagah troh teuka
Pakon geutanyoe le yang saket igoe
Karab jilop uroe baro deuh muka

Ketua Syura hana peu tanyoeng
Ngon ureung inong aneuk lom dua
Saboh geutingkeu saboh geupeudong
Sindiran keunong  bagi yang muda

Wahai penonton bek gadoh tahoe
Bak kursi ijoe meusayeub dua
Bek neu harap diidang baksoe
Mie caleuk thoe yang kamoe seudia

Beunoe kana hidangan pidatoe
Oleh calon meuntroe Hamid Samalanga
Geupeuingat  tanyoe bek teukeusyak adoe
Pubeut ile keudroe baro jak u lua

Teungku Maulidin yang jeut keu MC
Acara geupikee bek meutuka-tuka
Nibak uroe nyoe na bagi hasee
Bagi peureutee yang ikot lomba

Pasti di teungku ka gundah hate
Tiep uroe sabee inbox panitia
Nibak uroe nyoe bandum ka lahee
Soe yang lumboe lhee soe yang nomor sa

Na nyang ladom bak lomba ka meunang
Hate that seunang teungku juara
Nyan lam amplop na isi uang
Bek tuwoe utang neu bayeu sigra

Nyoe keuh sagai hikayat lon karang
Haba ureung mumang le salah kata
Peu yang lon peugah haba meuayang
Ngon rakan lon sayang saboh KMA