Thursday, September 6, 2012

Karabs Atau Kharuf?


Damameh   : “Hai Phet, jak tajak u pekan ta belanja, ka jatah tanyoe belanja”.

Daphet         : “Alahai Meh, sang han ek kujak, kop brat hek kuh” (ngen gaya beuoe-beuoe seu iet meunan).

Damameh   : “Hai Phet, jak tajak hai (sambil ngerayu-mayu mameh). Kulkas ka kosong lheuh, nyang na chit  bawang, keun han mungken si Tabeu singeuh ji piket gulei   bawang.”

Daphet        : “Mmm…., jak, han, jak, han, jak, han, jak” (sira geu bileung aneuk  jaroe).

Damameh  : “Haaaai, neu beudoh laju haiii, na gaya bileung aneuk jaroe loem, tidak naik pikir saya”(han ek pikee lon, bahasa Aceh gaya Indones).

Daphet        : “Jet chit beh, jak ta siap-siap. Gpl  (gak pake lama) Meh beh, ta belanja di Bawabah mantoeng bak Ammu Jon jeut??? Pih hana  jioh beda harga ngen Suq Tsamin.”

Damameh   : “Jeeeeut chiiit, kiban yang pakat. Yang penteng na alasan”  (sira tubit dari rumoh). (10 menit kemudian Daphet dan Damameh katroeh bak ammu Jon).

Damameh   : “Ya ‘am, ana ‘ayizah bathathis, gazar, wa bazinjan waaaaaaaaa??? Pulom Phet???”

Daphet         : “Gargir bek tuwoe, beungeh si Tabeu meunyoe hana tabloe. Meunyoe si Tabeu ngambek hana jitem piket singeh. Ka paya sangak raheung tanyoe.”

Ammu Jon  : “Fi tani ya bint???”

Damameh   : “Aiwah  y ‘am, ana ‘ayizah gargir wa kharuf”

Ammu         :  “Eih?? Kharuuuf? La a, mafisy hena”

Damameh   : “Eih da y ‘am?? Mafisy? Kharuf  y ‘am, ana ‘ayizah wahed bas” (sira di blie ateuh ammu).

Ammu         : “Kharuf mafisy hena y sitti kharuf fi suq” (ammu pih hana theun taloe geu balah ngen blie mata chit leubeuh rayeuk lom).

Damameh   : “Hai Phet kajak keuno le keuh, ammu geupeugah hana kharuf inoe, lon pih hek ku seutet hana deuh kharuf nyan, meu saboh kat pih hana.”

Daphet        : “Keu peu keuh kharuf Meh? Keu neuk peuget kari nyeh?”

Damameh   : “Hai on sop keu peu peugoet kari, ya peugoet kuah sop lah” (dengan PD geu jaweb tanpa na rasa bersalah dan sira geuseutet on sop tanpa pakai tanyeng teumanyeng)….. Nyaaaan, nyopat lagoe hek ta mita.

Damameh   : “Yaa ‘am dhi kharuf shah?” (geupeudeuh bak ammu).

Ammu         : “Fi eh y bint??? Dhi kharuf?? Hahahahahahahaha” (that rayeuk geu khem ammu).

Damameh   : “Hai Phet, pakoen ammu Jon geu khem geu eu on sop?” (sira teuhireun-hireun).

Daphet        : “Hai Meh, ata nah hana neu tanyeng dile peu beutoi nyan kharuf. Malu teumanyong, ngeooooong, hak hak hak” (sira di peukhem si Meh chit).

(Damameh pun meutamah hireun karena si Phet di peukhem jih chit).

Daphet        : “Alaaaahaii Meh, on sop pane na kharufkarabs hai Meh, ka teu ceu ‘ek hai mentang-mentang baroe balek dari gampong. Kharuf nyan biri-biri atau domba gitu lo…hahaha, Alahai Meh….Meh, tidak naik pikir saya” (sira geu lien lidah ateuh Damameh).

Damameh   : “Alah maaakk oiy, lon pih pakeun jeut meutuka kharuf ngen karabs, that malee kuh ngoen ammu Jon” (sira geu peh dhoe).

Karya: Anzila Arzaq Arsyad
Mahasiswi Tingkat Akhir Jurusan Syariah Islamiah Universitas Al-Azhar Kairo.
Juara I Kategori Poh Cakra Pada El-Asyi Award 2012

No comments:

Item Reviewed: Karabs Atau Kharuf? Rating: 5 Reviewed By: kmamesir