Hikayat Kubu
 |
| Gambar ilustrasi |
Salam alaikum lôn peuphôn nazam
Keupada taulan agam ngön dara
Saleum dari dari lôn neu jaweub rijang
Syiar Islam beu sampurna
Iklam tengku mandum sekalian
Ingat ihwal i dalam kubu
Ureung lam kubu harap keu
Untuk neu bangkit lom u dalam donya Tuhan
Neubi lôn riwang u dalam donya
Ureung lam kubu na keinginan
Sigö tasebèh hasanah meutamah
Neu bi ya Allah kesempatan kedua
Neubi kuasa untuk lôn taubat
Dari buet maksiet i dalam donya
Neubi seubahyang saboh rakaat
Nyak na deurajat di yaumil mahsya
Wahei geutanyö umat Islam
Nyang mantöng hudép i dalam donya
Donya umpama tanoh luah blang
Ta tanoem beukai untuk syiruga
Lagè neu pubut le ulama salaf
Watè i donya ka neukueh kubu
Kuburan neukueh tuk geubayangkan
Di dalam lahad ingat Tuhanku
Teuma neu tanyöng ka nibak tuboh
Teukeudi mate di kah hai jiwa
Ngön ija putèh di
liang lahat
Ayyu syaiin kunta tatamanniina ?
Neu jaweub keudrö le ulama nyan
Akan loen riwang u dalam donya
Lôn peubuet amai ngön kebajikan
Dalam naungan syariat agama
Teuma di jaweub le jiwa Tuhan
Jinö mantöng na kesempatan gata
Kajeut beudeh kajeut amaikan
Taubat nasuha amai shaleha
Ta lakei doa bak sidroe Tuhan
Beu neupeu ampoen sigala dosa
Dosa yang lahe ngen dosa teusöm
Dosa nyang ubeut ngen dosa raya
Geu tanyö udép i dalam donya
Dosa keu Tuhan memang jatah na
Si göt göt ureung nyang na keusalahan
Beuna meunyesai ngön taubat nasuha
Ta peule amai ngen kebajikan
Ingat keu tuhan seigohlom mate
Rugoe na ilmè tanpa amalan
Hana manfaat ôh uroe page
Lagei umpama pasukan perang
Senjata bak badan lengkap semua
Watei troeh musoeh han geu gunakan
Han ek ditulông seumata senjata
Tapeusiap droe keu rahmat Tuhan
Tapeuköng niet ngen azam teuga
Allah ta’ala yang maha rahman
Beu neu teurimöng taubat semua
Ôh noe meumada bacut nasihat
Asoe kitab karangan ulama
Beujeut keu manfaat untuk amalan
Keu beukai akherat dengön i donya
Posting Komentar