Ranup Sigapu Ngôn Bungông Rampoë HUT Siteungôh Abad KMA Meusée
Oleh: Ahmad Kamil Baba*
 |
| Dok. Pribadi KMA Mesir |
Deungôn bismillah Tuhan nyang Rahman
Saböh khabaran ulôn peumula
Ét nô keuh mantöng haba meurika
Alhamdulillah pujoë keu Tuhan
Saböh khabaran ulôn peumula
Katrép that hajat kasad lam badan
Tuléh karangan teuntang KMA
Alhamdulillah pujoë keu Rabbi
Alhamdulillah pujoë keu Rabbi
Nyang Maha Suci luah karônya
Deungôn ilham hatée nurani
Neubriè Ya Rabbi beutrôh dum pinta
Kaya gasién hina meugah
Neubriè Ya Rabbi beutrôh dum pinta
Kaya gasién hina meugah
Grak bak Allah seumuanya
Sakét mangat seunang susah
Lam iradah Poë Nyang Esa
‘Ôh lheuh lôn pujoë Allah nyang Ahad
‘Ôh lheuh lôn pujoë Allah nyang Ahad
Akan Muhammad seulaweut lôn ba
Teuma nibak nyan keu Aal dan sahbat
Pang ulèe ummat dum sineuna
Teuma sép ét nan ulôn khuteubah
Teuma sép ét nan ulôn khuteubah
Nakeuh alkisah jinoë lôn mula
Haba lôn rawi teuma lôn surah
Pat-pat na salah lôn meu’ah desya
Nanggroë Aceh nyôe leupah that meugah
Masa peurintah Iskandar Muda
Pat-pat na salah lôn meu’ah desya
Nanggroë Aceh nyôe leupah that meugah
Masa peurintah Iskandar Muda
Nanggroë jih luah hasée meulimpah
Rakyat bak Allah hudép seujahtra
Seuramoë Meukah meunan neupeugah
Seuramoë Meukah meunan neupeugah
Bumoë keuneubah bak ujông sumatra
Teuka ulama seureuta thalabah
Dayah neupeuhah drah neupeuna
Watèe ka malém kajeut malakah
Dayah neupeuhah drah neupeuna
Watèe ka malém kajeut malakah
Hana löm puah keu ilmée nyang na
Keudéh u Meusée teuma geulangkah
Sira tuéng beurkah ilmée geumita
Nanggroë meusée nyan leupah that indah
Dalam seujarah meutuléh calitra
Nanggroë meusée nyan leupah that indah
Dalam seujarah meutuléh calitra
Teuma trôh islam laju geupapah
Meutamah ceudah makmuë Sentosa
Qiblatul ilmi ulama peugah
Meunan geusurah geubôh keu nama
Qiblatul ilmi ulama peugah
Meunan geusurah geubôh keu nama
Teuka dum ureung seurta thalabah
Meureupah-reupah ilmée geumita
Ilmée Al-Azhar cukôp jai leupah
Ilmée Al-Azhar cukôp jai leupah
Hansép tasurah di dalam haba
Dari aqidah sampoë keu fiqah
Meususôn indah lam turats ulama
Thalabah Aceh gigéh sileupah
Jröh ngôn meutuwah di nanggroë lua
Thalabah Aceh gigéh sileupah
Jröh ngôn meutuwah di nanggroë lua
Jeut keu ulama geuprang peunjajah
Dalam jamharah hikayat kana
Leupah Al-Azhar lôn gantoë surah
KMA ceudah ta kisah sigra
Buhu lôn ayôn pakhök lôn ubah
Bèk kuweut babah lam tameuhaba
Leupah Al-Azhar lôn gantoë surah
KMA ceudah ta kisah sigra
Buhu lôn ayôn pakhök lôn ubah
Bèk kuweut babah lam tameuhaba
Bak thôn tujôh peut sinan keuh mula
Teudöng KMA bak bumoë ambiya
Teudöng KMA bak bumoë ambiya
Di dalam Buuts bak saböh kama
Niét yang ka lama Allah peunyata
Tgk. Ilyas umdah pertama
Yang mat nakhoda khidmah KMA
Tgk. Ilyas umdah pertama
Yang mat nakhoda khidmah KMA
Abuya muslim nakeuh anggota
Geu ilah daya peumaju lembaga
Nakeuh keuluarga geubôh keu nama
Nakeuh keuluarga geubôh keu nama
Tamsée syèdara lam timang rasa
Teumpat peuniyôh dan peugah haba
Teumpat peulara adat budaya
Dilèe awai phôn cit sidroë dua
Dilèe awai phôn cit sidroë dua
Tuha ngôn muda agam ngôn dara
Teuma meutamah ramée yang teuka
Meureutôh jiwa jinoë lam data
Teuma meusapat dum tokoh warga
Teuma meusapat dum tokoh warga
Neupeuphôn haba narit neumula
Qanun ngôn syura laju geupeuna
Meunan cit geuchiék jurông seureuta
Watèe ka ramée waréh ngôn syara
Watèe ka ramée waréh ngôn syara
Meubagoë acara laju geupeuna
Halal bihalal molod seureuta
Seunambông syèdara tujuan utama
Keu olahraga hana cit lupa Iskandar
Keu olahraga hana cit lupa Iskandar
Muda geubôh keu nama
Teuka gurangsang lam meu’én bola
Meusyeuhuë nama lam kawan lingka
Meunan cit ilmée wahée syèdara
Meunan cit ilmée wahée syèdara
Nakeuh KMA pantang dilupa
Halaqah kana Rumôh Beut pih ka
Keunan meupunca ilmée ubéena
Keu adoë barôe nyan yang utama
Keu adoë barôe nyan yang utama
Termin sa dua bimbel sabéena
Beut ilmée alat tiép thôn geupeuna
Ngat bèk meuraba lam drah ulama
Leupah nibaknyan Sahah geupeuna
Leupah nibaknyan Sahah geupeuna
Sajan Maulana kitab neubaca
Ilmée agama sampoë u sastra
Ilmée bahasa sampoë logika
Hana cit tuwoë suai tamasya
Hana cit tuwoë suai tamasya
Travel KMA nyankeuh numboi sa
Yôh musim khuéng keudéh u Siwa
Musim leupië teuka u bukit Thursina
Baca juga: Malam Puncak HUT Setengah Abad KMA Mesir Berlangsung Meriah dan Megah
Suai budaya hana cit lupa
Suai budaya hana cit lupa
Sanggar KMA ka trép ka jaya
Saman Rapa’i didông seureuta
Keuneubah pusaka wajéb tajaga
Media KMA pih hana dua
Ék djipeutalôe koran Prohaba
Website ngôn Youtube ka meuseunia
El-Asyi teuma meureutôh edisi ka
Teuma bèk tuwoë wahée syèdara
Media KMA pih hana dua
Ék djipeutalôe koran Prohaba
Website ngôn Youtube ka meuseunia
El-Asyi teuma meureutôh edisi ka
Teuma bèk tuwoë wahée syèdara
Meukat niaga nakeuh Safara
Meunyoë sosial nakeuh BTA
Celengan kana tiép sagoë rata
Buleun meutuka thôn meugantoë
Dari jeut sagoë rintangan teuka
Buleun meutuka thôn meugantoë
Dari jeut sagoë rintangan teuka
Di ureung Aceh neuduk meusahoë
Peu yang meucawoë neupeuglah sigra
Meunan cit rakan suai Meuligoë
Peu yang meucawoë neupeuglah sigra
Meunan cit rakan suai Meuligoë
Sabée meugantoë yôh saböh masa
Thon 2005 tabloë ata droë
Sampoë an jinoë mantöng teujaga
Meunan geumilang ureung di nanggroë
Péng bacut sapoë ék geupeuna
Hana teuingat laba ngôn rugoë
Nyoë keu Meuligoë nyawôung pih rela
Nibak thôn nyoë adun ngôn adoë
Sampoë an jinoë mantöng teujaga
Meunan geumilang ureung di nanggroë
Péng bacut sapoë ék geupeuna
Hana teuingat laba ngôn rugoë
Nyoë keu Meuligoë nyawôung pih rela
Nibak thôn nyoë adun ngôn adoë
Umuë KMA nyoë ka limông plôh ka
Syukur keu Rabbi tuhan lôn pujoë
Akan nikmat nyoë beugèt peulara
Nakeuh BPH hana neu iém droë
Leupah geuhiroë suai acara
Kaleuh neupakat ureung jeut sagoë
Tameumat jaroë HUT tapeujaya
Acara HUT nyoë limông thôn sigoë
Nakeuh BPH hana neu iém droë
Leupah geuhiroë suai acara
Kaleuh neupakat ureung jeut sagoë
Tameumat jaroë HUT tapeujaya
Acara HUT nyoë limông thôn sigoë
Meunan keuh bagoë wasièt neujaga
Meureupah-reupah adun ngôn adoë
HUT neupakoë jeut-jeut kutika
Bak awai mula na Musabaqah
Bak awai mula na Musabaqah
Tahfiz tilawah mandum seudia
Meunan cit debat seurta hikayah
Cukôp jai leupah mandum peuserta
Hana sép saja bak Musabaqah
Hana sép saja bak Musabaqah
Akan Riyadhah wajéb tapeuna
Tamsée péng griek sisi dua blah
Meunyoë meupisah yum pih hana
Liga Cakra Donya nan ka geusah
Liga Cakra Donya nan ka geusah
Meuwoë seujarah bak Aceh raya
Yôh saböh masa keurajeun meugah
Cheng Ho hadiah keu Iskandar Muda
Geupeuna futsal keu gadöh reusah
Geupeuna futsal keu gadöh reusah
Jröeh ngôn meutuwah voli seureuta
Geupeuna Catur ngat meupikée glah
Keu mangat kuwah basket geupeuna
Keu malam puncak rakan meutuwah
Keu malam puncak rakan meutuwah
Budaya keuneubah ta tampil sigra
Pusaka nanggroë kaya ngôn luah
Jeut-jeut daerah piasan kana
Rapai Geleng ngôn Saman ceudah
Rapai Geleng ngôn Saman ceudah
Meu ayôn gagah seulala mata
Meunan cit akustik rakan meutuwah
Jangeun pih indah pujoë Rabbana
Adak ta riwang di nanggroë luwa
Adak ta riwang di nanggroë luwa
Adat budaya meubèk talupa
Keuneubah Endatu beugèt tajaga
But kawôm muda tabantu beuna
Teuma neudeungoë rakan meutuwah
Teuma neudeungoë rakan meutuwah
Bacut mau’izhah lôn cuba rika
Seubagoë khatam nibak hikayah
Meunyoë na salah meu’ah lôn pinta
Wajéb hai rakan patéh Poëtallah
Wajéb hai rakan patéh Poëtallah
Seunang ngôn susah hana meuhingga
Tapubut surôh peuji’oh teugah
Nyang larang Allah bèk takeurija
Meunyoë neubrié mangat jinoë
Nyang larang Allah bèk takeurija
Meunyoë neubrié mangat jinoë
Meuhat dudoë susah teuka
Meunyoë talupa Tuhan sidroë
Meuhat dudoë lam neuraka
Meunyoë neubrié susah jinoë
Meunyoë neubrié susah jinoë
Uroë dudoë seunang teuka
Beu tasaba dum geutanyoë
Bak kheundak Poë beu ta rela
Ét nô keuh mantöng haba meurika
Kasép meumada bak hikayat lama
Pat-pat na salah dan narit gasa
Neumeu’ah desya wahée syèdara
Teurimông geunaséh ulôn ucapkan
Keu dumna rakan ngôn panitia
Keu Teungku Juri nyang mat putusan
Beu sehat badan batén seureuta
Do’a geutanyoë bak Poë Rabbana
Semoga KMA sabée lam jaya
Neubrié beu damée neubrié seujahtra
Neubrié mulia siumuë masa
Teurimông geunaséh ulôn ucapkan
Keu dumna rakan ngôn panitia
Keu Teungku Juri nyang mat putusan
Beu sehat badan batén seureuta
Do’a geutanyoë bak Poë Rabbana
Semoga KMA sabée lam jaya
Neubrié beu damée neubrié seujahtra
Neubrié mulia siumuë masa
Alhamdulillah pujoë keu Tuhan
Saböh khabaran ka trôh bak punca
Reunéng lam ulèe sakét bak badan
Neubrié beu johan wahée Rabbana
*Penulis merupakan Juara Pertama Lomba Cipta Syair / Hikayat Aceh HUT Setengah Abad KMA Mesir.
Posting Komentar